Boteroren erakusketa aprobetxatuz Aurelio Arteta margolariaren “Gerraren triptikoa” ikusteko aukera izan dut Bilboko Arte Ederren Museoan.
Lan hau 1937. urtean egin zen Biarritzen eta dirudienez Gernikaren bonbardaketaren ondoren egin zen. Hiru irudik osatzen dabe triptikoa. Ezkerrekoan, “Frontea” deiturikoan egazkinen kontra bere fusila altxatzen du gudari batek. Erdikoa, “Exodoa” alboetakoak baino pixka bat handiagoa da eta gerratik ihesi doazen itsanontziak agertzen dira. Azkenik eskuman, “Erretagoardia” deituriko koadroa daukagu eta bertan bobardaketaren ondorioak agertzen zaizkigu krudelki.
Nik ez dakit Arteta eta Picasso ezagutu ba ziren baina antza handia sumatzen diot triptikoaren eskumako koadroari (“Erretagoardia”) eta Picassoren Gernikaren ezkerreko aldeari. Zuek ez?
Leave a Reply