Urte berria hasten denean beti egiten dira hurrengo 365 egunetarako (aurten 366, 2008a bisestu bait da) asmo eta intenzio berrien zerrenda. Gero, aurten gertatu zaidan moduan, asko eta asko ez dira betetzen baina ideiak behintzat hor ibiltzen dira buruan, giraka ta bueltaka.2008rako nire asmoetako bat zen argazkigintzari denbora tarte bat eskaintzea. Horretarako nire wikian ere atal bat ireki dut nire apuntetxoak gordetzeko eta baita ariketak eta lantxoak eskuragarri izateko.
Betidanik gustatu izan zait argazkigintza baina kamera digitala izan arte ez naiz murgildu benetan mundu horretan. Digitalak argazki piloa era merkean ateratzeko aukera eskeintzen dizu eta gustoko argazkiak ateratzeko argazki piloa atera behar dira, praktika moduan.
Denboratxu bat daramat argazkiak Flickr-era igotzen eta hori dela eta irailean Schmap Guides-ekoek argazki bat eskatu zidaten beraien Bilboko gidarako. Gauza hauek animatu egiten zaituzte eta gauzak hobeto egiten ikasteko kemena ematen dizute.
Pasadan abenduan Berrian ikusi nuen MASKOTA ETA ANIMALIEN ARGAZKI LEHIAKETA zabalik zegoela. Sarara (Lapurdi) egindako osteralditxo batean, goian agertzen den txakurtxoa ikusi nuen eta argazkia atera nion. Ondoren inoiz egin ez dudana egin nuen: lehiaketara aurkeztu. Gaur publikatu dira emaitzak eta, hirugarren saria lortu dut!
Ez sinestekoa!
Pasadan urtea niretzat Ubuntu urtea izan zen. Uste dut aurten argazkigintzaren urtea izango dela. Horretarako lana egin behar da, ikasi egin behar da. Ea noizbait National Geographic-eko argazkien modukoak ateratzeko gai naizen.
loretahur
Zorionak Josu! Hirugarren saria zure lehengo lehiaketan!! Niri olentzeroan oparitu didate argazkiko kurtso bat 🙂
Administrator
Eskerrik asko Lore, ea denon artean zerbait ikasten dugun!
Uste dut M@k ere ikasten zebilela. Agian Foto-Aprendices Elkartea sortu dezakegu 😉
Carmen
Ze ondo! Zorionak! Hirugarren postua ere..!
Nire betiko asmoetako bat da baina ondino ekin barik… egingo dut noizbait.
Administrator
Eskerrik asko Carmen.
Saiatu, uste dut asko garela ikasi nahi dugunok, denon artean ikasi dezakegu!
Seguridad Social
La verdad es que tienes razon en muchas de las cosas que dices, aunque hay otras en las que no estoy para nada de acuerdo.