Txominek eta beste batzuk galdera berdina egin didatenez hemen doakizue Ubuntu/Linux euskaraz ipinteko era erraz bat.
Egia esateko Ubuntu/Linux euskaraz izateko era errazena hasieratik euskaraz instalatzea da. Dena den instalazioa beste hizkuntza batean egin baduzu eta euskarara aldatu nahi baduzu pausu hauek jarraitu eta zuen Ubuntu/Linuxak Abaltzisketakoa emango du.
Pausu hauek jarraitzeko Internetera konektatuta egon behar zarete, eta aldaketa gazteleratik eginez gero, Menuan Sistema – Configuración del Sistema – Idiomas aukeratu beharko dugu. Orduan hurrengo lehioa aterako da baina gazteleraz,
Lehenengo laukitxoan “supported languages”-en, zuk nahi dituzun hizkuntza paketeak aukeratu ditzakezu; horrela errepositorioetatik hizkuntza paketeak jaitsiko dira eta zure sisteman izango dituzu erabiltzeko moduan.
Hurrengo laukitxoan default languaje, erabiltzaile berrientzako erabiliko den hizkuntza eta login-aren pantailaren hizkuntza aukeratu dezakezu. Aldaketak onartu.
Normalean beste hizkuntza batean instalatuta dauden sistematan dagoeneko sistema dauden erabiltzaileei ez zaie sistema euskaraz jarriko. Horretarako azken pausu bat egin behar da. Login-aren pantailan Opciones aukeratu eta hortxe aldatu zure hizkuntza.
Honekin sistema ia guztia euskaraz izango duzu, dena den egon daiteke aplikazioren bat euskara paketeak ez dituena onartzen eta ingeleraz geratzea.
Hurrengo estekatan Firefox eta OpenOffice nola euskaratu azaltzen dizuet.
Txomin
Argi eta agrbi.
Mila esker
Txomin
Aupa lagun!
Zure jakinduriaz aprobetxatuko naiz pixka bat eta galdera pare bat egingo dizut (abisa iezadazu oso astun jartzen banaiz 😉
(a) Java instalatu gura dut. Hartara hemen jaitsi dut artxibo bin bat. Instalatzeko artxiboaren gainean arratoiko eskuin botoiaz klik egin eta baimenak aldatu ditut (hain zuzen exekutatzeko baimena artxiboari emateko). Horren ostean klik bikoitza egin baina ez da instalatzen. Jakingo duzu zer egin behar dudan?
(b) Open office ere euskaratu dut eta zure mezuan irakurri bezala, lehenik aurreko bertsioa desinstalatu beharra dago. Ezin da daukadan bertsioa eguneratu desinstalatu gabe? (Ikara diot eta).
Mila esker
Josu
Bueno ba saiatuko naiz.
a) Java zertarako behar duzu, firefoxekin bideoak ikusteko eta abar? Orduan firefoxeko plugina instalatu webgune honetatik
https://addons.mozilla.org/eu/firefox/browse/type:7
b) Ez dakit zuk esaten duzuna egin ahal den. Irakurri dituzu foroak? Dirudienez euskarazko bertsioak ez du jarraitzen openofficeko hizkuntza paketeen sistema “normala” eta horregatik desinstalatu behar da. Dena den, euskarazko bertsioa ez bazaizu gustatzen, desinstalatu eta gaztelaniazkoa berriro instalatu.
Txomin
Ea bada,…zuk aipatu duzun zeregin horretarako (web guneak zuzen ikusteko) java behar dut baina horrez aparte badaude programa batzuk java behar omen dutenak. Akaso ezagutuko duzu Jclic
haietariko bat da, nik maiz erabiltzen dudana.
Horregatik ere beharko nuke.
Bigarren galderaz, ez dakit openoffice instalatzeko beste biderik ote dagoen. Kontua da ezabatzea gogorra egiten zitzaidala, besterik ez.
Mila esker.
Josu
Txomin, kasualitatez edo, Josu Waliñok bere Berriako orrialdean eta ondorioz Zibergelan, beraien blogean, artikulo bat publikatzen dute eta bertan azaltzen dute zelan erabili sistema bat euskaraz.
Artikulo horretan OpenOfficeri buruz esaten du hizkuntza desberdinak erabili daitezkeela sistema bakarrean.
Galdetu diot zelan egiten den eta Walik erantzun dit bigarren komentarioan. Probatu dut eta badabil. Saiatu ia hori den zuk behar duzuna.
Artikuluaren esteka:
http://www.baleike.com/blogak/zibergela/archive/355_ordenagailua_euskaraz_erabili.html
Txomin
Aupa Josu.
Mila esker informazioagatik. Poliki poliki nire lan-gune hau egikituz noa eta.