Kontu handiz ibiltzen ez bagara Flash-a erabilita ateratzen ditugun argazkietan begi gorriaren efektua agertzea nahiko normala da. Gure argazkietan efektu hori kentzeko The Gimp programa erabili dezakegu.
Horretarako argazkia programa horrekin irekiko dugu eta zoom-a erabiliz, begi gorria ahal dugun handien aterako dugu pantailan. Gero, Hautapen eliptiko tresnarekin begiaren gune gorria aukeratuko dugu.
Ondoren menuan Iragazkiak > Nabarmendu > Begi gorria kentzea … aukeratu beharko dugu eta ondorengo pantailatxoa agertuko zaigu.
Muga aukerarekin kolorearen nibela aldatu, Ados botoia sakatu eta begi gorriak desagertu dira.
Leave a Reply